Është hera e tretë tashmë që kryeministrja e Danimarkës, Mette Frederiksen, detyrohet të shtyjë dasmën e saj.
Kryeministrja kishte vendosur që të martohej më 18 Korrik, por planet e saj janë anuluar për shkak të një takimi të Samitit që do të mbahet Bruksel.
”Mezi po pres të martohem me këtë njeri të mrekullueshëm. Por nuk qenka e lehtë dhe tashmë ka një takim të Këshillit në Bruksel, i thirrur pikërisht atë të shtunë të Korrikut, kur ne kishim planifikuar të martoheshim. Por mua më duhet të bëj punën dhe të kujdesem për interesat e Danimarkës. Ndaj na duhet t’i ndryshojmë planet sërish. Së shpejti do të martohemi. Mezi pres të them po. Fatmirësisht Bo është i duruar”, shkruan ajo në postimin e saj në Facebook.
Samiti i Këshillit Evropian do të mbahet më 17 dhe 18 korrik, me prezencën e 27 vendeve dhe është i pari ku liderët do të takohen fizikisht që pas pandemisë.
