Një tjetër person ka humbur jetën nga koronavirusi ditën e sotme në Kosovë.
Bëhet fjalë për një 52-vjeçar me inicialet Sh.Sh, nga komuna e Istogut. Ai ishte pranuar në Njësinë Intensive në Qendrën e Mjekësisë Sportive dy ditë më parë.
Kështu shkon në 41 numri i personave që kanë humbur jetën nga COVID-19 në Kosovë. Që nga shpërthimi i pandemisë, Kosova ka regjistruar më shumë se 2 mijë raste me koronavirus, prej të cilëve mbi 1 mijë janë ende aktive.
