Në kohën kur Ministria e Shëndetësisë apelon çdo ditë për ruajtjen e distancës, klasa jonë politike nuk zbaton një rregull të tillë.
Ndonëse duhej të ishin bërë shembull për popullin, duket se një gjë e tillë është lënë në harresë.
Në disa foto të siguruara para nisjes së seancës, shihen deputetët duke konsumuar kafen në oborr.
Kuvendi është mbledhur sot për të zhvilluar seancën e radhës plenare.
Shumica e tyre janë pa maska dhe nuk respektojnë as distancimin social.
Pandemia ka sjellë bilance negative në vendin tonë, e ndërsa rastet po shtohen ndjeshëm.
Po kështu, shumë qytetarë e kanë humbur betejën me COVID-19.
