Transporti publik, 13 rregullat e rrepta të protokollit të sigurisë

Pak më herët, Minsitrja e Shëndetësisë, Ogerta Manastirliu dha aprovimin për rifilimin e transportit publik. Nga ana tjetër, Shoqata e Transportit nuk ka pranuar, ndërsa kanë parashtruar disa kërkesa.

Duket se ende nuk është gjetur dakordësia, për rinisjen e transportit publik. Shoqata e Transportit nuk ka qenë dakord me protokollin e vendosur nga Ministria, duke u shprehur se shkakton vështirësi financiare. Por cili është protokolli që do të ndiqet?

PROTOKOLLI:

1. Numri i udhëtarëve do të lejohet me kapacitet 70%.
2. Ulja e udhëtarëve do të jetë në mënyrë diagonale.
3. Drejtuesi i mjetit duhet të ketë maskë mbrojtëse dhe doreza.
4. Udhëtarët detyrimisht me maska dhe doreza.
5. Hipja dhe zbritja do të bëhet në dyer të ndryshme.
6. Nëse udhëtari shfaq shenja të Covid-19, shoferi do duhet të njoftojë 127.
7. Duhen dezinfektuar makinat.
8. Gjatë udhëtimit duhet ajrosur makina.
9. Në terminal duhet zbatuar distancimi.
10. Terminali të dizinfektohet.
11. Në mjete të vendosen postera kundër përhapjes covid-19.
12. Të respektohen masat e higjienës.
13. Masat e parashikuara do të kontrollohen nga kompetencat përkatëse.