Policia e Durrësit ka ndëshkuar me masë administrative 53 drejtues mjetesh.
Pas kontrolleve të shumta ndaj mjeteve të ndryshme, policia ka gjobitur 53 drejtues mjetesh, për mosrespektim të protokollit të sigurisë.
Policia i bën thirrje qytetarëve që të respektojnë kufizimet, me qëllim parandalimin e përhapjes së COVID-19.
Njoftimi i policisë:
Durrës
Vijojnë kontrollet e Policisë Rrugore, me qëllim parandalimin e përhapjes së COVID-19, për ndëshkimin e drejtuesve të mjeteve që nuk respektojnë protokollin e sigurisë.
Gjatë 24 orëve të fundit janë kontrolluar 260 mjete dhe janë ndëshkuar me masë administrative 53 drejtues mjetesh.
Në vijim të planit të masave të hartuar për parandalimin e përhapjes së COVID-19, shërbimet e Policisë Rrugore kanë ushtruar kontrolle të shumta ndaj mjeteve të ndryshme, kryesisht ndaj mjeteve që transportojnë punëtorët e fasonerive, të cilët nuk respektojnë nenin 3 të Aktit Normativ datë 15.03.2020, për ruajtjen e distancës fizike.
Në zbatim të këtij plani janë ndëshkuar me masë administrative 53 drejtues mjetesh, për mosrespektim të protokollit të sigurisë.
Policia Durrës kërkon mirëkuptimin e të gjithë drejtuesve të mjeteve që të respektojnë kufizimet me përgjegjshmëri, me qëllim parandalimin e përhapjes së COVID-19.
