Blutë e Tiranës kanë bërë të mundur në kohë reale që të parandalonin një ngjarje, e cila mund të përfundonte me pasoja të rënda.
Tre persona janë vënë në pranga, ndërsa gjatë konfliktit janë përdorur sende të forta. Pas një pune të mirorganizuar, është bërë e mundur kapja dhe prangosja e shtetasve B. S., 44 vjeç, Sh. S., 48 vjeç dhe E. G., 25 vjeç, të tre banues në Tiranë.
Njoftimi
Tiranë
Policia parandalon përshkallëzimin e mëtejshëm të një konflikti mes disa personave. Përdorën sende të forta gjatë konfliktit, arrestohen në flagrancë 3 shtetas.
Specialistët për Hetimin e Krimit në Komisariatin Nr. 3, pas njoftimit të marrë për një konflikt të çastit në rrugën “Dritan Hoxha”, ku tre shtetas, për motive të dobëta, në bashkëpunim me njëri-tjetrin, gjatë konfliktit kanë goditur me mjete të mprehta dhe sende të forta shtetasit Xh. M. dhe M. Q. dhe D. M., duke i shkaktuar dëmtime në pjesë të ndryshme të trupit, kanë reaguar në mënyrë të menjëhershme, duke parandaluar përshkallëzimin e mëtejshëm të konfliktit.
Pas një pune të mirorganizuar është bërë e mundur kapja dhe prangosja e shtetasve: B. S., 44 vjeç, Sh. S., 48 vjeç dhe E. G., 25 vjeç, të tre banues në Tiranë.
Në cilësinë e provës materiale u sekuestrua mjetin prerës (thikë) që përdorën autorët. Materialet i kaluan Prokurorisë së Rrethit Gjyqësor Tiranë, për veprime të mëtejshme.
