Edhe për sot Maqedonia e Veriut ka regjistruar një numër të lartë të rasteve të reja me koronavirus.
Ministri i Shëndetësisë, Venko Filipçe, ka bërë me dije se në 24 orët e fundit janë konfirmuar 164 raste të reja dhe dy viktima.
Viktimat janë nga Shkupi dhe Tetova të moshës 53 dhe 60 vjeç. Ata vuanin edhe nga sëmundje tjera shoqëruese, si sëmundje të zemrës, diabeti dhe tensioni i lartë.
Kështu shkon në 171 numri total i personave që kanë humbur jetën në vendin fqinj. Prej tyre vetëm në Shkup janë regjistruar 47 viktima dhe nga 27 në Kumanovë dhe Tetovë.
Sa i përket rasteve të reja të infektimit, 85 raste janë regjistruar në Shkup, 24 në Kumanovë, 18 në Tetovë ndërsa në 14 qytete tjera numri është më i ulët se dhjetë raste.
Për herë të pas gati dy muajve, tre raste janë regjistruar në qytetin e Dibrës, qytet ku u regjistruan rastet e para me koronavirus në Maqedoninë e Veriut.
Deri më tani Maqedonia e Veriut ka regjistruar 3,701 raste me koronavirus, ndërsa 1,836 prej tyre janë ende aktive.
