Presidenti i Kosovës, Hashim Thaçi, i është drejtuar sot selisë blu, ku dhe po mban një takim me kryedemokratin Basha. Ky është një provokim i hapur për Sali Berishën nga ana e kreut të PD-së, pasi presidenti Thaçi ka lëshuar më herët akuza të rënda ndaj tij. Me të njëjtën monedhë ia ka kthyer edhe Berisha.
Në 20 maj të vitit 2019, Hashim Thaçi, në studion e emisionit “Open” të gazetares Eni Vasili, ka vijuar me akuzat ndaj ish-kryeministrit Sali Berisha.
Thaçi hodhi një akuzë të fortë ndaj Berishës, ku tha se ai nuk e ka dashur asnjëherë pavarësinë e Kosovës.
“Sali Ram Berisha që kur e kam njohur, ka qenë për një autonomi kulturore të Kosovës nën Serbinë. Ai nuk e ka dashur pavarësinë e Kosovës. Ai ka qenë një argat i Millosheviçit. Ai e ka quajtur Ushtrinë Çlirimtare të Kosovës, si organizatë terroriste”, tha Presidenti i Kosovës.
