Mjeku i njohur Pëllumb Pipero, njofton se Këshilli Bashkiak i Skraparit i ka akorduar Titullin “Qytetar Nderi”. Ky është nderi më i madh që i ka bërë vendlindja e tij, dhe për të cilin shpreh mirënjohje. Por, ai shton se ka lexuar në disa media që Bashkia do të organizojë edhe një drekë.
Pipero, sërish me këshillat të tij mjaft të çmuara shprehet se në respekt të situatës me pandeminë, dreka të anulohet. Po kështu ai shton që ajo shumë sado modeste, të orjentohet për nevoja të tjera të Bashkise dhe qytetarëve te Skraparit, ndoshta në ndihmë të familjeve në nevojë.
Statusi
Sapo dola nga studio televizive e EuroNews Albania, ku gazetarja dhe patriotja ime Ilva Tare, me pyeti midis te tjerave edhe se “si po e perjeton famen”, natyrshem “fama” ime i perket çdo bluze te bardhe, i thashe, por paska edhe “ca kusure”. Keshilli Bashkiak i Skraparit me ka akorduar Titullin “Qytetar Nderi” qe eshte nderi me i madh qe mund te me beje vendlindja ime dhe per te cilin do ti jem gjithe jeten mirenjohes, qytetareve, Keshillit Bashkiak dhe Kryetarit te Bashkise se Skraparit. Dhe “kusuri” eshte lajmi qe po lexoj ne te gjitha portalet se Bashkia ka vendosur te organizoje dhe nje dreke ne cermonine qe do te organizohet me kete rast!
Do ta konsideroja nje nder po aq te madh, qe ne respekt te situates dreka te anullohet dhe ajo shume sado modeste qofte te orjentohet per nevoja te tjera te Bashkise dhe qytetareve te Skraparit, ndoshta ne ndihme te familjve ne nevoje!
Duke ju falenderuar edhe nje here, ju premtoj se do punoj gjithe jeten time me perkushtim profesional e pergjegjesi qytetare, per ta merituar Titullin e Qytetarit te Nderit te Vendlindjes time!
Me mirenjohje!
Pellumb Pipero
