Deputeti dhe kreu i grupit parlamentar demokrat, Myslim Murrizi, deklaroi se është marrë vendimi që nesër, 12 deputetë të opozitës do të deklarojnë votën kundër Reformës Zgjedhore. I ftuar në emisionin ‘Arena’ në RTV ORA, Murrizi tha se nuk marrin urdhra nga ata që hyjnë e dalin fshehurazi nga selitë e partive.
“Kryetari i grupit tjetër parlamentar z. Stojku, së bashku me mua, si kryetari i Grupit Parlamentar Demokrat, nesër bëhemi 12 deputetë tek ky grup, por edhe deputeti Nimet Musai, do të dalim me një deklaratë nesër që ne nuk e votojmë. Dhe nuk marrim urdhër nga këta që hyjnë e dalin fshehurazi nga selitë e partive”.
