Koronavirusi ka shënuar dy viktima të tjera ditën e sotme në Maqedoninë e Veriut.
Sipas mediave vendase, bëhet fjalë për dy të moshuar që kanë qenë prej kohësh të shtruar në spital. Kështu ka shkuar në 97 numri total i personave që kanë humbur jetën nga koronavirusi në vendi fqinj.
Ndërkohë janë shënuar edhe 17 raste të reja infektimi, duke e çuar në 1,740 numrin total të rasteve të konfirmuara.
Brenda 24 orëve të fundit janë shëruar 16 persona të tjerë nga virusi vdekjeprurës. Deri më tani, në Maqedoninë e Veriut janë shëruar gjithsej 1,251 persona, ndërsa 392 raste janë ende aktive. Prej këtyre, 21 pacientë ndodhen në gjendje të rëndë shëndetësore.
