Ministri i Brendshëm gjerman, Horst Seehofer është shprehur se nga kjo e shtunë do të rihapen kufijtë me Francën, Austrinë dhe Zvicrën.
Seehofer shtoi se rregulloret ende po punohen me disa vende të tjera.
“Kufiri me Luksemburgun do të jetë i lirë nga çdo kontroll dhe një zgjidhje e ngjashme po negociohet me autoritetet në Danimarkë”, tha ministri Seehofer.
Menjëherë pas këtyre lajmeve policia kufitare hapi pesë pikat e kalimit me Bavarinë dhe Austrinë.
Ministri i Brendshëm gjerman sqaroi se kufizimet mund të forcohen përsëri nëse virusi do të dalë jashtë kontrollit.
“Kjo është me kusht që përparimi i virusit të vazhdojë të zhvillohet në një mënyrë të menaxhueshme. Nëse situata përkeqësohet, duhet të reagojmë ndaj kësaj”, tha ai.
Seehofer deklaroi se udhëtimet për në Gjermani nga vendet e treta do të vazhdojë të jetë i kufizuar deri në mesin e muajit qershor.
