Kuvendi i Serbisë votoi ditën e sotme për heqjen e gjendjes së jashtëzakonshme.
Kujtojmë se kjo e fundit, u vendos më 15 mars, si masë për frenimin e koronavirusit.
Ndërkohë sot në Kuvendin e Serbisë vendimi për heqjen e gjendjes së jashtëzakonshme u miratua me 155 vota pro, 1 abstenim dhe asnjë kundër.
Kryeministrja e Serbisë, Ana Brnabić, tha se propozimi për heqjen e gjendjes së jashtëzakonshme është sjellë në Kuvend pas rekomandimeve nga profesionistë shëndetësorë.
“Kushti themelor ka qenë që për më shumë se shtatë ditë të kemi nën pesë për qind të infektuar, në raport me numrin e të testuarve. Ky kusht është përmbushur, që nga 28 prilli ne jemi nën pesë për qind”, tha Brnabić.
