Në një kohë kur SHBA dhe Britania e Madhe vunë përpara përgjegjësisë Kinën, për përhapjen e koronavirusit, nga Franca ka dalë një e dhënë shokuese.
Në Francë është regjistruar një rast me Covid-19 që në 27 dhjetor të vitit të kaluar, pra një muaj para rastit të parë zyrtar më 24 janar.
Lajmi në fjalë është konfirmuar nga një spital në periferi të Parisit. Për të arritur në këto konkluzione, janë ri-analizuar tamponët e pacientëve që janë shtruar në spital në dhjetor, të cilët kishin pneumoni. Duke kërkuar në arkivat e testeve të bëra në atë kohë për të kërkuar viruse të tjera, janë gjetur gjurmë të Covid-19.
Bëhet fjalë për një francez 50-vjeçar, i cili nuk kishte udhëtuar asnjëherë në Kinë. Ndërkohë ai është shëruar dhe është në gjendje të mirë shëndetësore. Ai kishte infektuar dhe dy fëmijët e tij. Gjasat janë që të jetë infektuar nga bashkëshortja. Kjo e fundit nuk është sëmurë dhe pse mjekët mendojnë se ajo e ka pasur virusin, por pa simptoma. Ajo punon në një supermerkat pranë një reparti sushi, ku ka dhe të punësuar kinezë.
