Shefi ekzekutiv i aeroportit më të ngarkuar në Europë, Heathrow, Holland-Kaye, në një intervistë për “Press Association”, është shprehur se “distancimi social nuk funksionon në asnjë formë të transportit publik, e jo më në aviacion”.
“Fizikisht është thjesht e pamundur të ruash distancë sociale në çfarëdo fluksi të pasagjerëve në aeroport. Kushtëzimi nuk qëndron në faktin se sa njerëz do të hipësh në avion, por sa njerëz mund të kalojnë në aeroport të sigurt. Për sa kohë nuk ka një vaksinë kundër koronavirusit, aeroporteve u duhet të ndërmarrin masa për të minimizuar infektimin, sapo të nisë hapja.
Këto masa mund të përfshijnë skanimin shëndetësor në terminal, nëse ke temperaturë nuk duhet të lejohesh të udhëtosh”, tha Holland-Kaye.
Ndërkohë një tjetër kompani ka sugjeruar lënien bosh të sediljeve të mesit, kur të nisin fluturimet, duke siguruar kështu distancë mes pasagjerëve.
