Gjendja e krijuar nga përhapja e pandemisë së koronavirusit ka bërë që të shtyhet data për daljen e përgjigjeve të lotarisë amerikane.
Departamenti Amerikan i Shteti ka vendosur që përgjigjet do të merren më datë 6 qershor dhe jo më 5 maj siç presupozohej.
Aplikuesit do të kontrollojnë nëse kanë fituar më datë 6 qershor 2020. Sipas DASH, vitin e kaluar për lotarinë amerikane janë përzgjedhur 3.603 aplikues nga Shqipëria.
Kur do të bëhet shpallja e fituesve të Lotarisë Amerikane për këtë vit?
Shpallja e fituesve të Lotarisë Green Card DV-2021 ishte planifikuar fillimisht për të Martën, 5 maj, 2020.
Mirëpo, Departamenti i Shtetit në SHBA ka thënë se data do të shtyhet e përgjigjet zyrtare për fituesit do të jepen më datë 6 qershor 2020. Vendimi bazohet nisur nga pandemia aktuale e Covid-19.
Pasojat e shtyrjes së rezultateve të përgjigjeve
Nëse keni marrë pjesë në Lotarinë Amerikane për vitin 2021, për momentin nuk duhet që të bëni asgjë. E vetmja gjë që duhet bërë është që të kryqëzohen duart e të shpresosh se je ndër fituesit.
Ndërkohë, KCC (Kentucky Consult Center) do të përdorë kapacitetet e saj dhe do të vazhdojë të punojë për fituesit e vitit të kaluar.
Fituesit e mundshëm
Në rast se ju fitoni në Lotarinë Amerikane të këtij viti, atëherë gjithçka do të jetë normale si më parë, thjesht përgjigja është marrë me vonesë. Nëse jeni fitues, intervistat me ju nisin në gusht të vitit 2020. Intervistat do të bëhen, ashtu siç janë parashikuar brenda periudhës 1 tetor 2020 deri në fund të shtatorit 2021.
