Kryeministri italian, Giuseppe Conte është shprehur se nuk ka asnjë pendesë, lidhur me masat e marra për të trajtuar urgjencën shëndetësore nga pandemia e koronavirusit.
Në një intervistë për “La Stampa”, Conte theksoi se po të kthej sërish prapa në kohë, ai do të kishte vepruar njësoj.
“Po të kthehesha përsëri mbrapa do të bëja gjithçka ashtu siç e kam bërë deri më tani. Unë kam një përgjegjësi të madhe ndaj vendit. Unë nuk mund të lejoj të ndjek ndjenjat e opinionit publik të cilat i kuptoj”, tha ai.
Sipas kryeministrit italian, rreziku i një rikthimi të pandemisë “do të ishte fatale”.
“Ekziston një ngurtësi e caktuar nga ana e komitetit tekniko-shkencor, por kjo është për shkak të të dhënave për infeksionet”, shtoi ai.
Italia mbetet një nga vendet më të prekura nga koronavirusi në botë, me rreth 200 mijë raste infektimi dhe rreth 27 mijë viktima.
