Numri i viktimave nga koronavirusi në Belgjikë vijon të rritet, teksa deri më tani raportohen në total 7,207 persona të vdekur.
Në 24 orët e fundit në Belgjikë janë shënuar 113 viktima dhe 553 raste të reja me COVID-19. Që nga shpërthimi i koronavirusit në vend janë regjistruar më shumë se 46 mijë raste.
Deri më tani në Belgjikë janë shëruar më shumë se 10 mijë veta. Sipas Worldometer, numri i rasteve aktive është 28,602, ndërsa 903 persona ndodhen në gjendje të rëndë shëndetësore.
Më shumë se 3 milionë njerëz janë prekur nga pandemia e koronavirusit, ndërsa mbi 207 mijë persona kanë humbur jetën.
