Kryeministri Edi Rama sapo ka publikuar në rrjetin social Facebook një video-udhëzim ku sqarohen masat e reja të ndërmarra nga qeveria për javën tjetër.
“U lutem atyre që duan autorizim për të shkuar në punë javën tjetër të ndjekin me vëmendje video-udhëzimin dhe të testojnë sistemin e ri që përmes e-albania i jep fund pritjeve për aprovimin e autorizimit”, shkruan ndër të tjera Kreu i Qeverisë.
Reagimi i plotë i kryeministrit: “U lutem atyre që duan autorizim për të shkuar në punë javën tjetër të ndjekin me vëmendje video-udhëzimin dhe të testojnë sistemin e ri që përmes e-albania i jep fund pritjeve për aprovimin e autorizimit?.
? Lexoni me vëmendje në hyrje lajmërimin që ju shfaqet, ku do të gjeni qoftë kategoritë e lejuara këtë javë për punë, qoftë protokollin sanitar të sigurisë?.
? E përsëris, sistemi po testohet që deri nesër të jetë plotësisht funksional, prandaj mos u mërzisni nëse do të hasni ndonjë vonesë në aprovim, sepse pjesëmarrja juaj në testim ndihmon në kolaudimin e sistemit?
? Lexoni po ashtu me vëmendje pasojat ligjore e penale për shkelësit e kufizimeve të posaçme Anti-Covid të qarkullimit në këmbë apo me automjet?.”
Si paraqitet situata nga COVID-19 në Shqipëri?
Kujtojmë se gjatë 24 orëve të fundit, 19 pacientë të tjerë i janë shtuar listës së të shëruarve nga COVID-19 në Shqipëri duke e çuar numrin total në 302.
Ministria e Shëndetësisë sqaroi pak më herët se aktualisht në vendin tonë janë 220 persona të infektuar aktivë dhe numri i të shëruarve është më i lartë, tendencë kjo që tashmë vazhdon pa luhatje që prej 7 ditësh.
Nga ana tjetër, 9 raste të reja me koronavirus u konfirmuan në 24 orët e fundit, duke e çuar numrin total të të prekurve në 548.
