Luisana Lopilato ka dale në mbrojtje te burrit saj, këngëtari kanadez Michael Bublé, pas akuzave të fundit për dhunë që janë bërë nga disa ndjekës.
Shqetësimi i fansave erdhi pas një transmetimi të drejtpërdrejtë në Instagram në të cilin Bublé i ra me brryl gruas se tij.
Në një mesazh për ndjekësit e saj në Instagram, aktorja dhe modelja argjentinase Lopilato falënderoi fansat për shqetësimin e tyre ndaj saj.
Përkundër falënderimeve, Luisana, 32 vjecare, mbrojti menjëherë martesën dhe burrin e saj Michael Bublé. “Unë do të zgjidhja burrin tim mijëra herë të tjera,” tha aktorja e serialit ‘Chiquititas’.
Në postimi në Instagram, Luisana shpjegon “Nuk do të lejoj që të thuhen gënjeshtra që nuk respektojnë familjen time. Për këtë arsye, ju kerkoj juve, që më keni besuar për kaq shumë vjet, që as ju mos ta lejoni! ”. Ajo përfundoi duke thënë: “Bota, tani më shumë se kurrë, ka nevojë për dashuri, shpresë, vlera, unitet dhe solidaritet”.
