Ministrja e Infrastrukturës, Belinda Balluku ka shpjeguar procedurën që do të kryhet përmes rezervimit online, për ata shqiptarë që duan të riatdhesohen nga Italia.
Në një lidhje live me emisionin “Opinion”, Balluku sqaroi se prenotimet do të nisin që nga ora 10 e ditës së enjte.
Ministrja theksoi se në vijim do të kryhen fluturime edhe nga vende të tjera, varësisht rezervimeve që do të kryhen nga qytetarët shqiptarë. Dy destinacionet e radhës sipas saj do të jenë Gjermania dhe Franca.
“Prenotimet do të fillojnë që ditën e enjte në orën 10:00. I gjithë mekanizimi është i sigurt për të sjellë qytetarët që kërkojnë të riatdhesohen, por duke ruajtur nivelin e masave.
Ne do të udhëtojmë në të gjitha destinacionet në të cilat do të ketë kërkesa për të riatdhesuar shqiptarë. Kemi përcaktuar dy destinacionet e para, Romë dhe Milano, por ndërkohë jemi duke përpunuar dy destinacione të tjera, Gjermania dhe Franca ku ka kërkesa të larta për riatdhesim”, tha ajo.
