Sociologia Enaida Frashëri në një intervistë për “Abc News” është shprehur se izolimi social mund të sjellë rritje të divorceve.
Sipas saj, izolimi social sjell një sërë pasojash negative.
“Izolimi social sjell një sërë pasojash negative, por në ato raporte shohim dhe një sërë pasojash pozitive që sipas ekspertëve do të kemi një numër më të lartë të lindjeve.
Gjithashtu fakti që familjet me probleme që kanë qenë në një situatë jo shumë pozitive mund të kemi dhe raste të shtuara të personave që do të divorcohen.
Mosha e tretë dhe fëmijët janë dhe grupmoshat që e kanë më të vështirë qëndrimin brenda. Në këtë rast media e ka bërë mirë sensibilizimin për rrezikun që na kanoset.
Hapi i parë është ndërgjegjësimi pastaj unë shikoj se në këto ditët e fundit vë re se është ndërgjegjësuar dhe e ka kuptuar rrezikun.
Pjesa që unë rekomandoj është rutina ditore, vendosja e një orari të caktuar, mësimi i një gjuhe të re, leximi i një libri.
Në rastin e një familje me shumë anëtarë është me e lehtë për t’u menaxhuar koha, ndërsa te familjet që kemi vetëm dy të moshuar është më e vështirë pasi niveli i vetmisë shtohet”, tha sociologia Frashëri.
