Kreu i Grupit Parlamentar të PS-së Taulant Balla përmes një postimi në Facebook, u ka bërë thirrje qytetarëve shqiptarë që të blejnë prodhime “made in Albania” (shqiptare).
“Blini prodhime “made in Albania”, konsumoni SHQIP!”- shkruan ndër të tjera ai.
Gjithashtu Balla shprehet optimist teksa pohon se Shqipëria do ta fitojë luftën e koronavirusit.
Postimi i plotë i Ballës: “Shqipëria do ta fitojë këtë luftë, por duke ruajtur deri në ditën e fundit kujdesin, respektimin e rregullave dhe masave që na mbrojnë nga armiku i padukshëm. Ne nuk jemi patriotë vetëm më 28 Nëntor, apo kur këndojmë “o sa mirë me qenë shqiptar” kur fiton kombëtarja????. Patriot është kushdo që bën detyrën tonë ndaj atdheut, popullit, njëri – tjetrit, SOT MË SHUMË SE KURRË.
Edhe një merak tjetër që ka të bëjë me ekonominë e luftës.
Nga ngastrat e serat e bujqëve shqiptarë, nga blektorët shqiptarë ka shumë prodhim cilësor këtë vit dhe ju që shkoni të bëni shpezat për familjen tuaj, ju lutem blini prodhimet tona shqiptare.
Sot e nesër të mbyllur në shtëpi, ju që ngrini shëndete e bëni ndonjë urim, bëjeni me një birrë shqiptare. Blini prodhime “made in Albania”, konsumoni SHQIP!”
