Pandemia që ka përfshirë Shqipërinë, ka izoluar shqiptarët brenda shtëpisë. Oraret që shfrytëzohen për të dalë respektohen në një masë të madhe nga ana e qytetarëve. Sikundër ka edhe shkelës të ligjit. Por duke përfituar nga situata me koronavirusin, një person shtirej sikur ishte shef policie, për të përfituar të mirat materiale nga qytetarët.
Të vënë përballë përgjegjësisë se ai ishte pjesë e uniformave blu, qytetarët binin në grepin e personin që abuzonte. Në pranga ka rënë shtetasi me inicialet I. H., 43 vjeç, banues në fshatin Mbrakull, Poliçan.
Shtetasi në fjalë, në zonën e Lapardhasë, duke u prezantuar si punonjës policie dhe me anë të presionit i ka marrë një shumë parash shtetasit R. K., me pretendimin se po e falte që kishte thyer karantinën. Po me anë të mashtrimit dhe presionit, i ka marrë shtetasit P.B., një aparat telefon, për ta falur që kishte thyer karantinën.
NJOFTIMI
Shërbimet e Komisariatit të Policisë Kuçovë, krahas angazhimit maksimal për monitorimin e zbatimit të masave për parandalimin e përhapjes së COVID-19, vijojnë punën për goditjen e paligjshmërisë.
Specialistët për Hetimin e Krimit, pas informacioneve që dispononin se një shtetas prezantohej si shef policie dhe me atë të presionit iu merrte qytetarëve lekë e sende të tjera, kanë organizuar punën dhe kanë bërë të mundur identifikimin, kapjen dhe arrestimin e shtetasit I. H., 43 vjeç, banues në fshatin Mbrakull, Poliçan.
Nga veprimet e kryera rezultoi se ky shtetas, në zonën e Lapardhasë, duke u prezantuar si punonjës policie dhe me anë të presionit i ka marre një shumë parash shtetasit R. K., banues në Lapardha, me pretendimin se po e falte që kishte thyer karantinën.
Gjithashtu, po me anë të mashtrimit dhe presionit, i ka marrë shtetasit P. B., një aparat telefon, për ta falur që kishte thyer karantinën.
Materialet i kaluan Prokurorisë së Rrethit Gjyqësor Berat, për veprat penale” Vjedhja ne anë të mashtrimit” dhe “Përvetësim i titullit dhe detyrës shtetërore”.
