Jeta jonë ka ndryshuar në mënyrë dramatike, me problemet e reja që kërkojnë zgjidhje të reja. Sistemet shëndetësore në gjithë botën janë të mbingarkuara. Koronavirusi po tregon se është një sfidë e paprecedentë për ne si njerëz.
Por ne kemi filluar të shohim në këtë krizë, se si mund të na ndihmojnë robotët. Hej Temi, si është koha sot në Londër? Kjo është koha sot në Londër, Britani e Madhe. Ne “u njohëm” me Temin disa vjet më parë, në kohëra më normale.
Ne folëm për motin, dhe pimë bashkë çaj. Por tani Temi është në vijën e parë të luftës ndaj Covid-19. Mijëra nga këta robotë po përdoren në spitale, për t’u shërbyer pacientëve të sëmurë me koronavirus në Kinë, Hong Kong, Japoni dhe Kore, si dhe në disa azile në SHBA.
Duke lëvizur vetë midis pacientëve, roboti mundëson video-telefonata midis të sëmurëve dhe mjekeve. Madje duke matur në kohë reale temperaturën e tyre trupore nga 60 cm distancë.
Inteligjenca Artificiale, ka depërtuar në shumë nga platformat e komunikimit online. Robotët e sotëm, mund të kryejnë llogaritje shumë komplekse, dhe mund të mësojnë se si është përdoruesi. Dhe në rastin e koronavirusit, kjo është ajo që duhet.
Sigurisht, robotët nuk do të zëvendësojnë asnjëherë ndërveprimin mes njerëzve. Por tani për tani, na duhet ndihma e tyre. Shëndeti ynë mund të ndihmohet edhe nga ky krah robotik, i dizenjuar nga një shkencëtar në Kinë.
Por a do të trajtojë kjo pajisje pacientët, përkrah stafit mjekësor? Roboti mund të kontrollohet në distanca nga çdo pikë e globit, duke kryer detyra nga afër si p.sh një skaner me ultratinguj, apo dëgjimin e organeve me stetoskop.
Robotët mund të ndërtohen sot shumë më lehtë nga sa mund ta mendoni. Nxënësit e një shkolle në Kinë, përdorën pjesë lodrash, për të ndërtuar një robot që dezinfekton duart. Kjo ide, na kujton rëndësinë e madhe që ka gjatë pandemisë larja e duarve.
TIRANA TODAY
