Koronavirusi ka shënuar një tjetër viktimë ditën e sotme në Greqi, duke e cuar në 50 numrin total të vdekjeve.
Në 24 orët e fundit janë konfirmuar 81 raste të reja, teksa numri total i të infektuarve ka shkuar në 1,415.
Sipas autoriteteve shëndetësore, 90 persona të infektuar ndodhen në gjendje kritike për jetën dhe po mbahen nën kujdesin intensiv të mjekëve.
Mediat greke bëjnë me dije se deri më tani janë kryer më shumë se 17,500 testime për raste të dyshuara me koronavirus.
Ndërkohë dita e djeshme ishte mjaft e trishtueshme për shtetin fqinj, pasi brenda një dite të vetme ndërruan jetë 7 persona nga COVID-19.
Autoritetet greke kanë shpallur në gjendje karantine Kosturin, Ksanthin dhe tre bashki të tjera rreth këtyre qyteteve. Karantina do të vazhdojë për 14 ditë dhe do të ketë kufizime të jashtëzakonshme të lëvizjeve.
