Një vatër zjarri ka përfshirë një sipërfaqe me shkurre dhe ferra në afërsi të landfillit të Elbasanit, duke shkaktuar shqetësime për përhapjen e mëtejshme të flakëve në zonë.
Sipas informacioneve paraprake, zjarri është favorizuar nga era, e cila ka ndikuar në përhapjen e tij, duke e bërë më të vështirë ndërhyrjen për neutralizimin e vatrës.
Menjëherë pas sinjalizimit, në vendngjarje kanë mbërritur shërbimet zjarrfikëse, të cilat po punojnë për lokalizimin dhe shuarjen e flakëve.
Ekipet janë pozicionuar kryesisht në anën e landfillit, me qëllim parandalimin e avancimit të zjarrit drejt zonës së depozitimit të mbetjeve urbane.
Operacioni vijon, ndërsa autoritetet po monitorojnë nga afër situatën për të shmangur çdo rrezik të mundshëm për përhapjen e mëtejshme të flakëve.
