Gjatë dy ditëve të fundit, Ambasada Amerikane ka ndihmuar 64 qytetarë dhe rezidentë amerikanë të udhëtojnë nga Shqipëria në drejtim të Shteteve të Bashkuara.
Siç ka njoftuar edhe Ambasada Amerikane nëpërmjet një postimi në rrjetet sociale, kjo ka ndodhur falë ndihmës së ofruar nga ana e qeverisë shqiptare.
Përmes një njoftimi të bërë pubik, Ambasada falenderon “Air Albania”, dhe të gjithë ata, solidariteti bujar i të cilëve i ndihmoi qytetarët që të niseshin nga Shqipëria për të vijuar udhëtimin e tyre në Shtetet e Bashkuara!
Reagimi i plotë i Ambasadës Amerikane: “Gjatë dy ditëve të fundit, kemi ndihmuar 64 qytetarë dhe rezidentë amerikanë të udhëtojnë nga Shqipëria me ndihmën e qeverisë së Shqipërisë.
Faleminderit Air Albania, Edi Rama dhe të gjithë ata, solidariteti bujar i të cilëve i ndihmoi ata të niseshin nga Shqipëria për të vijuar udhëtimin e tyre në Shtetet e Bashkuara”.
