Ambasadori i BE në Tiranë Luigi Soreca ditën e sotme ka zhvilluar një video-konferencë me Kryetarin e PD-së Lulzim Basha.
Soreca ka zbardhur bisedën, teksa është shprehur se në fokus të diskutimeve ishin negociatat, ndihmat e BE për tërmetin dhe koronavirusin.
Në lidhje me negociatat, Soreca pohon se duhet një bashkëpunim dhe monitorim i opozitës për të konkluduar përpjekjen.
“Bisedë e mirë me Lulzim Bashën sot në bisedimet e pranimit pas javës së kaluar nga Këshilli Europian. Ne e kuptuam rëndësinë e reformave të bëra nga Shqipëria për të marrë dritën e gjelbër dhe u pajtuam që ato duhet të vazhdojnë duke pasur parasysh mbledhjen e parë ndërqeveritare.
Do t’u duhet bashkëpunimi dhe monitorimi i opozitës. Ne folëm gjithashtu për mbështetjen e Bashkimit Evropian për Shqipërinë në luftën e vazhdueshme kundër koronavirusit dhe në përpjekjet e rindërtimit pas tërmetit të nëntorit të kaluar”, shkruan Soreca në Twitter.
