Ministrja e Shëndetësisë Ogerta Manastirliu në një lidhje direkte me “Tv Klan” deklaroi se rritja e kurbës apo e rasteve me COVID-19 do të varet nga zbatimi i masave.
Ajo theksoi se dy javët në vijim do të jenë vendimtare sa i përket përhapjes se koronavirusit në vendin tonë.
“Situata e deritanishme reflekton masat e marra në kohë nga qeveria shqiptare. Por përballë një virusi të panjohur është e vështirë të bësh llogaritje të sakta. Rritja e kurbës apo e rasteve do të varet nga vijimi i zbatimit të këtyre masave. Një apo dy javët e ardhshme do të jenë vendimtare”, tha Manastirliu.
Kujtojmë se në 24 orët e fundit në Shqipëri janë konfirmuar 11 raste të reja me COVID-19, duke e çuar kështu në 223 numrin total të të prekurve.
