Nga Klodian Tomorri
Dërgimi i mjekëve në Bergamo mund të jetë gjesti më i vlefshëm humanitar që ka bërë ndonjëherë Shqipëria.
Kam lexuar sot thuajse të gjitha komentet në mediat italiane. Kurrë më parë nuk kam parë ndonjë vlerësim kaq të madh për Shqipërinë. Dhe jo vetëm nga politikanët, por masivisht nga qytetarët e thjeshtë të Italisë.
Ne mund të kemi bërë sakrifica edhe më të mëdha si strehimi i muxhahedinëve apo gatishmëria për të marrë armët kimike të Sirisë. Por më shumë se humanizëm ato kanë qenë servilizëm ose vendime të diktuara nga inferioriteti i të qenit vend i vogël.
Por sot ishte ndryshe. Sot, me prapambetjen tonë, me varfërinë tonë e ndoshta edhe me “primitivizmin” tonë i kemi dhënë një leksion modest Evropës se Qytetëruar në Veri. Paratë nuk janë gjithçka. Kurse mirënjohja nuk blihet.
Shqiponja fluturon krenare në qiellin e Evropës.
