Një tjetër ditë e zezë për Italinë!
Autoritetet përkatëse kanë konfirmuar se gjatë 24 orëve të fundit kanë ndërruar jetë 889 persona. Kjo bën që numri i jetëve të humbura për shkak të COVID-19 në Itali, të kalojë shifrën 10 mijë.
Sa i përket numrit të rasteve të reja, ato janë 3,651, një rënie nga dita e djeshme ku u raportuan 4,401 raste.
Thuhet se numri i përgjithshëm i rasteve me COVID-19 në Itali është rreth 90 mijë.
Lajmi i mirë është se numri i personave të shëruar është trefishuar krahasuar me ditën e djeshme. 1,434 persona e kanë kaluar sëmundjen krahasuar me vetëm 589 që u raportuan dje.
Raportohet se në total, rreth 12 mijë persona janë shëruar nga koronavirusi në shtetin fqinj.
Ditën e djeshme, Kreu i Institutit Kombëtar të Shëndetësisë tha se numri i të infektuarve me koronavirus në Itali nuk e ka arritur ende kulmin.
Ai paralajmëroi se masat kufizuese në mbarë vendin mund të zgjaten përtej 3 prillit.
