Ambasada Amerikane në Tiranë njofton se të gjitha fluturimet komerciale nga Shqipëria janë mbyllur, deri në një njoftim të dytë.
Në njoftimin e shpërndarë në faqen zyrtare në Facebook, Ambasada qetëson qytetarët amerikanë që duan të largohen nga Shqipëria, se po punon për të gjetur mundësi të tjera udhëtimi. Apeli që vjen ndaj shtetasve amerikanë është që të kontaktojnë menjëherë [email protected].
Njoftimi
Të gjitha fluturimet komerciale nga Shqipëria janë tashmë mbyllur deri në një njoftim të dytë. Ambasada e Shteteve të Bashkuara po punon për të identifikuar mundësi të tjera udhëtimi për qytetarët amerikanë që duan të largohen nga Shqipëria. Nëse jeni qytetarë amerikanë dhe dëshironi të largoheni nga Shqipëria, kontaktoni menjëherë [email protected] me emrin tuaj, ditëlindjen, numrin e pashaportës dhe informacion kontakti në Shqipëri.
Koronavirusi është shtrirë me shpejtësi në të gjithë Shqipërinë, ku përgjatë këtyre dy javëve janë prekur gjithsej 16 qytete, me Tiranën që mban kreun, ndjekur nga Fieri, Korça dhe Durrësi.
Koronavirusi raportohet se ende nuk e ka kapur kulmin e tij. Përhapja e hartës së infektimit në qytete ka bërë që qeveria të shtrëngojë edhe më tej masat, duke lejuar vetëm një pjesëtar të familjes për të dalë, vetëm një orë në ditë.
