Numri i të infektuarve me koronavirus në Shtetet e Bashkuara të Amerikës po rritet me një shpejtësi të frikshme. Prej dy ditësh tashmë SHBA mban rekordin për numrin më të madh të personave të infektuar nga virusi Covid-19.
Mediat amerikane raportojnë se në SHBA janë shënuar më shumë se 100 mijë raste infektimi. Vetëm në 24 orët e fundit, janë infektuar me virusin vdekjeprurës 14,957 persona.
Ndërkohë, 248 persona kanë ndërruar jetë brenda 24 orëve të fundit, duke e çuar numrin total të viktimave në 1,543.
Situata më e rëndë nga koronavirusi vijon të jetë në Itali, e cila vetëm për ditën e sotme shënoi mbi 900 viktima. Gjithashtu Italia mban vendin e parë për numrin më të madh të viktimave të shkaktuara nga virusi Covid-19.
Italia ia kaloi sot edhe Kinës sa i përket numrit të infektuarve, duke regjistruar më shumë se 80 mijë pacientë.
