Kryeministri Edi Rama po zhvillon një mbledhje online me ministrat e kabinetit, në lidhje me masat e marra për përballimin e situatës së krijuar në vend, nga përhapja e koronavirusit.
Në një lidhje të drejtpërdrejtë në Facebook, Rama po ndan me qytetarët bisedën që po zhvillon me ministrat.
Kreu i qeverisë ka pyetur ministren e Financave, Anila Denaj në lidhje me pensionet, se kur ato do të jenë gati.
Denaj tha se buxheti i përcaktuar është 25 milionë euro dhe do jetë gati në muajin prill.
Kryeministri sqaroi se tatimet janë shtyrë deri në fund të muajit korrik, ndërsa sqaroi se taksat bazike do të vijojnë të paguhen.
“Taksat dhe sigurimet do paguhen se përndryshe nuk shkojmë para në këtë luftë dhe biem në një gropë ku as korona nuk na gjen. Pagesa e dritave do të bëhet. Kush nuk paguan nuk ka drita. Pagesa e dritave dhe detyrimet bazike nuk negociohen, kemi falur kamatëvonesat, çfarë shpenzojnë atë do të paguajnë. I bie që të heqim nga buxheti dhe t’ia japim OSHEE, nuk bën vaki”, tha kreu i qeverisë.
