Presidenti Ilir Meta ka përshëndetur vendimin e ministrave të BE-së, të cilët ranë dakord me hapjen e negociatave për Shqipërinë dhe Maqedoninë e Veriut.
Përmes një postimi në Facebook, Meta tha se pas këtij vendimi nuk duhet humbur asnjë minutë. Kreu i shtetit thekson se duhen zbatuar sa më parë kushtet që i paraprijnë konferencës ndërqeveritare për nisjen e negocimit të kapitujve.
Postimi i plotë:
Përshëndes vendimin e sotëm politik të Këshillit të Ministrave të BE që konfirmoi qartë perspektivën europiane të Shqipërisë duke miratuar çeljen e negociatave të anëtarësimit me BE.
Falenderoj të gjitha shtetet anëtare për këtë vendim inkurajues, që gjeti vend në axhendën europiane, pavarësisht momenteve shumë të vështira që po kalojmë çdo njëri prej nesh!
Asnjë minutë nuk duhet humbur për të zbatuar sa më parë secilin prej kushteve që i paraprijnë konferencës ndërqeveritare për nisjen e negocimit të kapitujve!
