Koronavirusi ka shënuar sot viktimën e dytë në Maqedoninë e Veriut.
Ministria e Shëndetësisë së Maqedonisë bën me dije se viktima është një burrë i moshës 63-vjecare nga Dibra.
Mësohet se ai ishte shtruar për kurim në Klinikën e Sëmundjeve Infektive në Shkup më 17 mars.
“Gjatë natës gjendja e tij u përkeqësua në mënyrë të papritur, ai menjëherë u intubua, u vendos në një aparat të frymëmarrjes, por brenda disa orësh gjendja e tij u përkeqësua më tej dhe pacienti vdiq. Pacienti nuk kishte histori të njohur të komorbiditetit”, thuhet në njoftimin e Ministrisë së Shëndetësisë.
Viktima e parë nga koronavirusi në Maqedoni u shënua ditën e djeshme. Viktima ishte një grua e moshës 57-vjeçare nga Kumanova. Ajo rezultoi pozitive me koronavirus pasi kishte ndërruar jetë.
