Mediat italiane kanë publikuar raste të shumta ku qytetarët nuk respektojnë vetë-karantimin. Pavarësisht vendosjes së gjobës dhe një situate dramatike me viktimat që shtohen nga ora në orë, shumica prejt tyre e kanë humbur durimin dhe shkelin rregullat. Por e njëjta situatë nuk shfaqet në Francë, pasi policia të tërheq me forcë nëse bëhesh shkelës i rregullave të vendosur nga shteti.
Policia në Francë është fotografuar duke ndaluar me forcë një grua, që raportohet se nuk pranoi të zbatonte karantinën mbarëkombëtare.
Pas shtimit të rasteve, qeveria franceze ka vendosur masa të reja që synojnë mbrojtjen për frenimin e koronavirusit, duke ndaluar njerëzit të largohen nga shtëpitë e tyre pa leje.
Pamjet në fjalë tregojnë se sa të ashpër janë policët, në zbatimin rigoroz të ligjit. Një grup oficerësh, disa prej tyre të armatosur, kanë mbajtur me forcë një femër.
Mendohet se gruaja është ndaluar, pasi nuk dispononte asnjë certifikatë për të lejuar lëvizjen e saj.
Kufizimet kanë hyrë në fuqi dy ditë më parë, dhe aktualisht janë caktuar të zgjasin 15 ditë. Ato përfshijnë ndalimin e tubimeve publike, përfshirë aktivitetet themelore si ecja jashtë.
