Shtohen raste të reja nga koronavirusi në Kosovë.
Mediat kosovare bëjnë me dije se janë konstatuar edhe dy raste të reja, duke e çuar në 15 numrin total të të prekurve në vend.
Dy rastet janë dy të fejuar të ardhur nga Londra sot me datë 16.03.2020 me fluturim direkt Londër -Prishtinë.
Të dy kanë qëndruar në Londër nga data 04 mars deri me datën 16.03.202, ndërsa sot janë detektuar nga shërbimet shëndetësore të aeroportit ndërkombëtar “Adem Jashari”. Ata janë përcjellë me ambulancë për në Klinikën Infektive-SHSKUK.
Dy të prekurit janë banues në zonat Korishë-Prizren dhe Obiliqi. Mësohet se ata janë të dy të moshës 26-vjeçare.
