Përpos ndalimit të qytetarëve që të ecin në këmbë pas orës 18:00, ose në të kundërt do të përballen me gjoba, Rama ka marrë vendimin drastik edhe për të moshuarit. Në njoftimin e radhës se deri kur kjo luftë të mbarojë, edhe të moshuarit nuk duhet që të dalin nga shtëpia.
Pensionistët në qytete, duhet që të shërbehen me vajtje-ardhjet për pazarin që bëjnë. Po kështu edhe për blerjet në farmaci, dhe të jenë të shoqëruar nga fëmijët e tyre.
Ata që nuk i kanë fëmijët pranë, do të shërbehen nga shteti përmes skuadrave të përbashkëta të bashkive dhe qeverisë.
Kryeministri Rama po kështu ka një apel të hapur ndaj çdo familjari, që të jetë vigjilent ndaj lëvizjes së të moshuarve.
Familjarët duhet të bëjnë të pamundurën që të mbajnë në shtëpi të moshuarit. Kjo masë drastike, vjen në kuadër të masave ndaj koronavirusit. Kryeministri citon më tej se është i detyruar që të ndërmarrë këtë masë drastike, por kjo është në të mirën e tyre!
Shqipëria ndodhet prej disa ditësh në “shtet-rrethim”, për shkak të pandemisë që ka paralizuar botën.
Statusi
? PO PËRGATITEMI PËR NDALIMIN TOTAL TË DALJES SË PENSIONISTËVE NGA SHTËPIA, DERI KUR KJO LUFTË TË MBAROJË! NUK MUND TË PRESIM MË NDËRGJEGJËSIMIN E ASAJ PAKICE QË VAZHDON SFIDON RREGULLAT, DUKE VËNË NË RREZIK SHUMË SERIOZ VETEN DHE TË TJERËT!
? PENSIONISTËT KRYEFAMILJARË NË QYTETE DUHET TË SHËRBEHEN ME VAJTJE-ARDHJET PËR SHPEZAT USHQIMORE DHE FARMACEUTIKE NGA FËMIJËT E TYRE. ATA QË NUK I KANË FËMIJËT NË TË NJËJTIN QYTET, DO TË SHËRBEHEN NGA SHTETI PËRMES SKUADRAVE TË PËRBASHKËTA TË BASHKIVE DHE QEVERISË!
? TË GJITHA BASHKITË NË BASHKËPUNIM ME MINISTRINË E SHËNDETËSISË E MBROJTJES SOCIALE, MINISTRINË E MBROJTJES, MINISTRINË E BRENDSHME, INSTITUTIN E SIGURIMEVE SHOQËRORE, SHËRBIMIN SOCIAL SHTETËROR DHE AGJENCINË KOMBËTARE TË TEKNOLOGJISË SË INFORMACIONIT, JANË NË PUNË PËR PLANIN E MBËSHTETJES NË SHTËPI TË PENSIONISTËVE KRYEFAMILJARË NË ÇDO QYTET!
? I LUTEM ÇDO BIRI DHE BIJE PRINDËRISH TË MOSHUAR, BËNI TË PAMUNDURËN TË MBANI NË SHTËPI BABAIN E NËNËN TUAJ, GJYSHIN E GJYSHEN E FËMIJËVE TUAJ! T’I LESH TË DALIN ËSHTË NJËSOJ SI T’U HAPËSH DERËN TË SHKOJNË PËR TË MARRË PJESË NË NJË BOMBARDIM!
? O ZOT ÇFARË SIKLETI TA THUASH:
MOS U JEPNI DORËN DHE RRINI TEK DERA NË DISTANCË KUR U ÇONI USHQIMET APO ILAÇET NË SHTËPINË E TYRE MË VETE!
KUDO KU E KENI TË MUNDUR NË SHTËPITË TUAJA, MBAJINI NË DHOMË MË VETE!
? QË T’I PËRQAFOJMË FORT NESËR DHE T’I KEMI SA MË GJATË PRANË NESH, DUHET T’I IZOLOJMË SOT NGA ÇDO KONTAKT I MUNDSHËM, ME BOTËN PO E PO, POR EDHE ME VETË NE, QË AS DORËN NUK DUHET T’U JAPIM DHE AS PRAGUN NUK DUHET T’UA SHKELIM KUR U ÇOJMË USHQIMET A ILAÇET TEK DERA!
? NDJESË 1.000.000 HERË???KJO ISHTE MË E VËSHTIRA QË DUHET TË NXIRRJA NGA GOJA DHE S’DO DOJA KURRË TË ISHA UNË QË DUHET TA BËJA KËTË, POR S’KAM SI TA MBAJ PËR VETE, KUR S’KA ABSOLUTISHT AS EDHE NJË RRUGË TJETËR!
KUR THEMI FRIKË JO, KUJDES PO, FJALA KUJDES NË KËTË LUFTË KA FYTYRËN E PRINDËRVE TANË!
