Italia ka konfirmuar në rang kombëtar 27.700 raste të reja, ku me këtë bilanc renditet e dyta në botë pas Kinës për numrin e të infektuarëve dhe viktimave nga koronavirusi.
Kryeministri italian, Giuseppe Conte, është shprehur se në këto ditë të vështira, vëmendja maksimale është drejt Lombardisë, epiqendrës së koronavirusit në Itali.
A do të jetë në gjendje Italia të ndalojë epideminë?
Conte ka thënë se pasi ka kontaktuar me specialistët e fushës, ata i kanë thënë se Italia ende nuk e ka arritur pikun. Ndaj me mjaft rëndësi është qëndrimi në shtëpi, të izoluar, për të shmangur kontaktet.
“Nëse vazhdojmë të qëndrojmë në shtëpi duke shmangur kontaktet me rrezik, do të jemi më efektivë në kontrollimin e virusit.
Shkencëtarët na thonë se ne ende nuk kemi arritur kulmin, këto janë javët më të rrezikshme dhe kemi nevojë për kujdes paraprak. Ne nuk mund ta lëmë ruajtjen tonë.
Është sfida më e rëndësishme e dekadave të fundit. Për ta fituar atë, ju duhet kontributi i përgjegjshëm i 60 milionë italianëve”, është shprehur Conte.
