Koronavirusi ka alarmuar anembanë botën. Po teksa klasa politike mundohet të qetësojë qytetarët, madje duke u kujdesur që të ruajnë qetësinë, kryeministri britanik Boris Johnson ka bërë krejt të kundërtën.
Ai ka paralajmëruar qytetarët që të bëhen të fortë, pasi virusi vdekjeprurës, me gjasë mund të shuaj një pjesë të madhe të popullsisë.
“Shumë familje do të humbasin të dashurit e tyre, dhe nuk do jenë në gjendje të bëjnë asgjë. Britania po ndahet nga pjesa tjetër e Europës”. Ndërsa qeveritë në kontinentin e vjetër po marrin masa gjithnjë e më drastike, Londra duket se me fjalët e Johnson po ‘lan duart’ përballë emergjencës së infeksionit nga koronavirusi.
Ai pranoi se vendi po përballet me emergjencën e koronavirusit, teksa në vend numri i të infektuarve tashmë mund të ketë arritur në një mijë. Por Johnson këmbënguli se marrja e masave “drakoniane” nuk do të ndryshonte asgjë, dhe madje mund të ishin kundërproduktive.
Metrotë, aeroportet, dhe rrugët kryesore të qyteteve janë thuajse totalisht të zbrazura.
