Ambasada Amerikane në Ankara ka njoftuar se një 86-vjeçare amerikane nga Marylandi, e prekur nga koronavirusi është nisur me 3 Mars nga Tirana drejt Stambollit, me destinacion përfundimtar SHBA-në.
Raportohet se e moshuara nuk ka lëvizur në shtetin turk, por ka qëndruar në zonën e tranzitit në aeroportin e Stambollit.
Mirëpo Ministri i Shëndetësisë në Turqi Fahrettin Koca, konfirmon të njëjtën teori, por mohon lajmet se 86-vjeçarja kishte rezultuar pozitive pas vizitës në Turqi.
“Ajo nuk e vizitoi Turqinë. Me 3 Mars, mori një fluturim nga Tirana drejt Washingtonit, nëpërmjet Stambollit”, njoftoi ai në Twitter, shkruan “opinion.al”.
Nuk dihet ende pse e moshuara u nis nga Rinasi, prej sa kohësh qëndronte ajo në Shqipëri dhe mbi të gjitha, ku e mori koronavirusin.
