Ish-futbollisti i njohur brazilian Ronaldinho dhe vëllai i tij janë arrestuar në Paraguaj pasi kanë tentuar të hyjnë në vend duke përdorur pasaporta të rreme.
Prokurorët thanë se atyre u ishin dhënë dokumente false në momentin që hynë në kryeqytetin Asuncion të mërkurën.
Ata u mbajtën pak orë në doganë, por më pas gjykatësi refuzoi të pranonte propozimin e prokurorit për një dënim alternativ.
Prokurori tha se vëllezërit ishin futur në kurth dhe ata e mohuan fajin.
Të pyetur nga polici vëllezërit kishin thënë se nuk e dinin që pasaportat ishin të parregullta.
Më pas oficerët kryen kërkime në dhomën e tyre të hotelit.
“Unë e respektoj popullaritetin e tij, por edhe ligji duhet respektuar. Nuk ka rëndësi se cili je, ligji duhet zbatuar”, ka thënë për mediat Ministri i Brendshëm Euclides Acevedo.
39-vjeçari udhëtonte në Paraguaj për të promovuar një libër dhe një fushatë për fëmijët vulnerabël.
Në korrik të vitit 2019 lojtarit i janë konfiskuar pasaporta braziliane dhe ajo spanjolle për taksat e papaguara dhe mospagimin e gjobave për ndërtimin e paligjshëm që ka bërë në një park natyror në Brazil. /Opinion
