Inspektorati Kombëtar për Mbrojtjen e Territorit mëngjesin e sotëm ka nisur aksionin për prishjen e disa objekteve në zonën e Astirit.
Është parashikuar që brenda ditës së sotme të prishen 25-30 objekte ku përfshihen dyqane dhe banesa.
Këto i përkasin lotit të dytë të projektit të Unazës së Re.
Kujtojmë se në lotin e parë deri tani janë prishur 41 objekte nga aksioni i IKMT-së. Në lidhje me aksionin e sotëm banorët janë lajmëruar në datën 17 shkurt për të liruar objektet.
