Ka shkuar në 11 numri i viktimave të shënuara nga koronavirusi në Shtetet e Bashkuara të Amerikës.
Mediat e huaja raportojnë se një viktimë u shënua sot në California, duke e bërë këtë viktimën e parë jashtë Washington.
Bëhet fjalë për një të moshuar, i cili kishte ndërruar jetë, pak momente pasi ishte kthyer nga një lundrim San Francisko-Meksikë.
Washington njoftoi gjithashtu një tjetër viktimë, duke e çuar 10 në total numrin e viktimave brenda këtij shteti. Shumica e tyre që vdiqën ishin banorë të një shtëpie pleqsh në Kirkland, Seattle.
Të paktën 31 raste janë raportuar në zonën e Seattle, ku studiuesit thonë se virusi mund të ketë qarkulluar për javë të tëra i pazbuluar.
