Ditët e fundit kanë qenë mjaft të tensionuara për popullin shqiptar, pas raportimeve të para në Itali për koronavirusin. Frika për shpërthimin e një epidemie të mundshme në vendin tonë, solli reagime të shumta nga klasa politike.
Por përpos mesazheve sensibilizuese në rrjetet sociale, Rama tha sot në emisionin “Real Story” në News 24 se aktualisht paniku është më i madh se sa vetë rreziku real.
“Lajmi i mirë është që kjo epidemi nuk prek fëmijët. Prek moshat më të larta, dhe ne i kemi marrë masat për të garantuar karantinimin. Historinë me karantinën në spitalin e Kavajës, njerëzit nuk duhet që t’i dëgjojnë.
Është çështje menaxhimi. Paniku është shumë më i madh se rreziku real. Ajo që do t’u themi shqiptarëve është se duhet pak më shumë besim. T’i referohemi për të qenë pak më të qetë. Të mbyllim kufijtë është ideja më absurde. Kjo është një betejë që është njësoj me vendet e tjera”.
