Rumania dhe Brazili janë dy shtetet më të reja të cilat futen në hartën e vendeve të prekura nga koronavirusi.
Sipas televizioni rumun “Realitatea”, rasti i parë i konfirmuar me koronavirus në këtë vend është një persona që ishte kthyer nga Italia para 3 javësh. Bëhet me dije se ai është futur në karantinë, në repartin për sëmundje infektive në spitalin “Matej Bals”, Bukuresht.
Ndërkohë në Brazil, një burrë 61-vjeçar në Brazil ka mbetur i infektuar pas udhëtimit të tij në veriun e Italisë.
Nga ana tjetër ministri kroat i Shëndetësisë, Vili Berosh ka deklaruar se është regjistruar edhe rasti i dytë në Kroaci me koronavirus. 26-vjeçari i infektuar kishte qëndruar tri ditët e fundit në Milano së bashku me partneren e tij.
Italia duket se është shndërruar në qendrën e përhapjes së koronavirusit në Evropë. Deri më tani, në Itali janë raportuar 11 viktima dhe 326 të infektuar.
