Qytetarë të shumtë në Kosovë po preken nga gripi sezonal.
Mirëpo përveç gripit sezonal raportohet se në Kosovë po qarkullon edhe virusi A (H1N1), i njohur ndryshe si gripi i derrit.
Çfarë duhet të dini rreth tij…
“Aktualisht situata epidemiologjike është nën kontroll sa i përket gripit sezonal, por me gjendjen aktuale klimatologjike, që po mbretëron në Kosovë, pritet të vazhdojë intensitet i lartë edhe muajin e ardhshëm”, thuhet në njoftimin e Institutit Kombëtar të Shëndetësisë Publike.
Përgjatë një interviste për “Zërin” pediatri Ramush Beiqi ka pohuar se kohëve të fundit është rritur numri i fëmijëve të prekur me grip.
