OFL zbriti sot në Vlorë dhe 2 subjektet që do të japin “llogari” për pasurinë janë dy vëllezër të dënuar nga gjykata e Torinos në Itali, për trafikim lëndësh narkotike. Pas publikimit të lajmit, një reagim i menjëhershëm ka ardhur nga kryeministri Rama. Bashkëngjitur videos në fjalë që ka postuar në Facebook, ai ka shkruar: “Vijon Operacioni AntiKÇK”.
Operacioni “Forca e Ligjit” i ka dërguar kërkesën me shkrim për të vetëdeklaruar dhe justifikuar pasuritë dy vëllezërve vlonjatëve të dënuar në Itali për trafik droge.
Ata janë Altin Çuçaj banues në Vlorë dhe vëllai i tij Mikel Çuçaj, të dy të dënuar nga gjykata e Torinas në Itali për trafik droge me nga 14 vite burg.
